مسكينة القطوة اللي دعمتها
قبل يومين, وانا داخل الفريج بسيارتي, جان تمر قطوة بيضة وحلوة جدامي بالشارع, والظاهر كانت يائسة بعد ما تركها العتوي إللي تحبه, ومقررة الإنتحار
حاولت اتفاداها, لكن ما صار, وما وعيت إلا وصوت صقة صغيرة تحت السيارة, أثريني مار بالسيارة عليها, يعني ما دستها بالتاير
طالعت من المنظرة الخلفية, لقيتها تتقلب يمين ويسار, الظاهر المكينة أو الإكزوز حايشينها
قلبي ما طاوعني أوقف اشوف إش صار لها, دخلت البيت وانا خايف, جني مسوي جريمة قتل
قلت حق الوالدة السالفة, جان ترد علي
أكو احد شافك وإنت تدعمها؟
إهني صدمتي بالقطوة صارت ولا شيئ مقابل صدمتي بكلام الوالدة
:)